قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №316 

  2016 جىلعى 12 شىلدە استانا قالاسى «پارنيكتىك گازدار شىعارىندىلارىنا كۆوتالارمەن جانە كومىرتەگى بىرلىكتەرىمەن ساۋدا جاساۋ قاعيدالارىن بەكىتۋ تۋرالى» قازاقستان رەسپۋبليكاسى قورشاعان ورتانى قورعاۋ ءمينيسترىنىڭ 2012 جىلعى 11 مامىرداعى № 151-ءو بۇيرىعىنا وزگەرىستەر مەن تولىقتىرۋلار ەنگىزۋ تۋرالى «قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 50-بابىنىڭ 2-تارماعىنا سايكەس بۇيىرامىن: 1. «پارنيكتىك گازدار شىعارىندىلارىنا كۆوتالارمەن جانە كومىرتەگى بىرلىكتەرىمەن ساۋدا جاساۋ قاعيدالارىن بەكىتۋ تۋرالى» قازاقستان رەسپۋبليكاسى قورشاعان ورتانى قورعاۋ ءمينيسترىنىڭ 2012 جىلعى 11 مامىرداعى № 151-ءو بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7711 بولىپ تىركەلگەن, 2012 جىلعى 18 تامىزداعى «ەگەمەن قازاقستان» گازەتىندە № 527-532 (27605) جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن پارنيكتىك گازدار شىعارىندىلارىنا كۆوتالارمەن جانە كومىرتەگى بىرلىكتەرىمەن ساۋدا جاساۋ قاعيدالارىندا: 1-تارماق مىناداي رەداكتسيادا جازىلسىن: «1. وسى پارنيكتىك گازدار شىعارىندىلارىنا كۆوتالارمەن جانە كومىرتەگى بىرلىكتەرىمەن ساۋدا جاساۋ قاعيدالارى (بۇدان ءارى - قاعيدالار) ءوز ارەكەتىن كۆوتالار بىرلىكتەرىنە جانە ىشكى ازايتۋ بىرلىكتەرىنە قولدانادى جانە كەلەسىنى قامتيتىن پارنيكتىك گازدار شىعارىندىلارىنا كۆوتالارمەن جانە كومىرتەگى بىرلىكتەرىمەن ساۋدا جاساۋ ءتارتىبىن انىقتايدى: 1) مەنشىك جانە ساۋدا وبەكتىسى رەتىندەگى كۆوتالار بىرلىكتەرى مەن شىعارىندىلاردى ىشكى ازايتۋ بىرلىكتەرى; 2) كۆوتالار بىرلىكتەرىمەن جانە شىعارىندىلاردى ىشكى ازايتۋ بىرلىكتەرىمەن مامىلەلەر بويىنشا ساۋدا جاساۋ مەن ەسەپتەۋلەردى ۇيىمداستىرۋ; 3) كۆوتالاردىڭ باستاپقى ساتىلۋىن ۇيىمداستىرۋ; 4) شىعارىندىلاردىڭ ىشكى ازايتۋ بىرلىكتەرىن باستاپقى بەرۋ; 5) كۆوتالاردى تىكەلەي ساتۋ (ساتىپ الۋ) ارقىلى ىسكە اسىرۋ.»; 2-تارماق مىناداي رەداكتسيادا جازىلسىن: «2. وسى قاعيدالاردا مىناداي ۇعىمدار پايدالانىلادى: «1) اۋكتسيونعا تاپسىرىس بەرۋشى – وسى قاعيدالارعا سايكەس كۆوتالار بىرلىكتەرىن ساتۋ بويىنشا اۋكتسيون وتكىزۋگە باستاماشىلىق ەتەتىن قورشاعان ورتانى قورعاۋ سالاسىنداعى ۋاكىلەتتى ورگاننىڭ پارنيكتىك گازدار شىعارىندىلارىن رەتتەۋ جونىندەگى ۆەدومستۆولىق باعىنىستى ۇيىمى (بۇدان ءارى – ۆەدومستۆولىق باعىنىستى ۇيىم); 2) جوبا ينۆەستورى – پارنيكتىك گازدار شىعارىندىلارىن ىشكى ازايتۋ جوباسىن قارجىلاندىرۋدى جۇزەگە اسىراتىن زاڭدى تۇلعا; 3) جوعارىلاتۋعا ارنالعان اۋكتسيون – قاتىسۋشىلار كۆوتالار بىرلىكتەرىن ساتىپ الۋعا ءوتىنىشتى باستاپقى باعامەن بىردەي نەمەسە جوعارى باعا قويا الاتىن اۋكتسيون; 4) كۆوتالار بىرلىكتەرىنىڭ قايتالاما اينالىمى – بۇدان بۇرىن ۇلەستىرىلگەن كۆوتالار بىرلىكتەرىن ساۋدالاۋ; 5) كۆوتالاردى العاشقى ساتۋ – ستاندارتتى اۋكتسيون تارتىبىندە ساتۋ ارقىلى جۇزەگە اسىرىلاتىن كۆوتالاردى ءبولۋ; 6) لوت – ساتىلاتىن نەمەسە شارت بويىنشا جەتكىزىلەتىن جانە اۋكتسيوننان ساۋداعا سالىناتىن كۆوتالار بىرلىكتەرى نەمەسە شىعارىندىلاردى ىشكى ازايتۋ بىرلىكتەرى; 7) وپەراتسيالاردى حالىقارالىق تىركەۋ جۋرنالى – وپەراتسيالاردىڭ دۇرىستىعىن تەكسەرۋ ءۇشىن بىرىككەن ۇلتتار ۇيى­مىنىڭ كليمات وزگەرۋى تۋرالى نەگىزدەمەلىك كونۆەنتسياسى حاتشىلىعىمەن بەلگىلەنگەن جانە باسقارىلاتىن كومىر­تەگى بىرلىكتەرىنىڭ ۇلتتىق تىزىلىمدەرىندە كومىرتەگى بىرلىكتەرىمەن جۇرگىزىلگەن وپەراتسيالاردى تىركەۋدىڭ حالىقارالىق جۇيەسى; 8) پارنيكتىك گازدار شىعارىندىلارىن ازايتۋ جونىندەگى ساندىق مىندەتتەمەلەرى بار حالىقارالىق شارت – بىرىككەن ۇلتتار ۇيىمىنىڭ كليماتتىڭ وزگەرۋى تۋرالى نەگىزدەمەلىك كونۆەنتسياسىنا كيوتو حاتتاماسى نەمەسە بىرىككەن ۇلتتار ۇيىمىنىڭ كليماتتىڭ وزگەرۋى تۋرالى نەگىزدەمەلىك كونۆەنتسياسىنا كيوتو حاتتاماسىنىڭ كۇشى جويىلعاننان كەيىنگى كەزەڭگە پارنيكتىك گازدار شىعارىندىلارىن ازايتۋ بويىنشا وعان قاتىساتىن ەلدەردىڭ ساندىق مىندەتتەمەلەرىن ۇزارتاتىن نەمەسە بەلگىلەيتىن حالىقارالىق شارت; 9) ساۋدا رەجيمى – تاۋار بيرجاسىنىڭ ساۋدا جۇيەسىندە ءوتىنىمدى جاريالاۋ جانە كەلىسىم جاساۋ شارتتارىنىڭ جينتىعى; 10) ستاندارتتى اۋكتسيون رەجيمى – ساتىپ الۋشى/ساتۋشى – اۋكتسيون باستاماشىسى ءۇشىن ەڭ ءتيىمدى باعا بويىنشا تومەندەتۋگە نەمەسە جوعارىلاتۋعا ارنالعان اۋكتسيون بارىسىندا بيرجالىق مامىلەلەر جاسالاتىن ساۋدا رەجيمى; 11) تاۋار بيرجاسىنىڭ ەلەكتروندىق ساۋدا جۇيەسi – ەلەكتروندىق بيرجالىق ساۋدا-ساتتىقتى وتكىزۋگە قاجەتتى جانە بيرجالىق مامىلەلەر جاساسۋ, سونداي-اق اقپاراتتى جيناۋ, ساقتاۋ, وڭدەۋ جانە اشۋ پروتسەسىن اۆتوماتتاندىرۋدى قامتاماسىز ەتەتىن, تاۋار بيرجاسىنىڭ ەسەپتەۋ قۇرالدارى, باعدارلامالىق قامتىلىمى, دەرەكقورلارى, تەلەكوممۋنيكاتسيالىق قۇرالدارى جانە باسقا دا جابدىقتارى كەشەنى; 12) تومەندەتۋگە ارنالعان اۋكتسيون – قاتىسۋشىلار كۆوتالار بىرلىكتەرىن ساتىپ الۋعا ءوتىنىشتى باستاپقى باعامەن بىردەي نەمەسە تومەن باعا قويا الاتىن اۋكتسيون; 13) حالىقارالىق كومىرتەگى بىرلىكتەرى – بەلگىلەنگەن مولشەر بىرلىكتەرى, شىعارىندىلاردى ازايتۋ بىرلىكتەرى, شىعارىندىلاردى ازايتۋدىڭ سەرتيفيكاتتالعان بىرلىكتەرى, ءسىڭىرۋ بىرلىكتەرى جانە باسقا دا ولاردان تۋىندى كومىرتەگى بىرلىكتەرى; 14) شىعارىندىلاردى ىشكى ازايتۋ بىرلىكتەرىن باستاپقى بەرۋ – شىعارىندىلاردى ىشكى ازايتۋ بىرلىكتەرىن پارنيكتىك گازدار شىعارىندىلارىن ىشكى ازايتۋ نەمەسە ولاردىڭ سىڭىرۋلەرىن ارتتىرۋ جوباسىن قارجىلاندىراتىن ينۆەستورعا بەرۋ; 15) ىشكى ازايتۋ شىعارىندىلارى بىرلىكتەرىنىڭ قايتالاما اينالىمى – تاۋار بيرجاسىندا پارنيكتىك گازدار شىعارىندىلارىن ىشكى ازايتۋ جوباسىنىڭ ينۆەستورىنا (ينۆەستورلارىنا) بەرگەننەن كەيىن ورىندالاتىن ىشكى ازايتۋ شىعارىندىلارىنىڭ بىرلىكتەرىمەن ساۋدا جاساۋ.»; 9-تارماق مىناداي رەداكتسيادا جازىلسىن: «9. كۆوتالار بىرلىكتەرىنىڭ قولدانىستاعى جانە اينالىمداعى مەرزىمى ءتيىستى ۇلتتىق جوسپاردىڭ بۇدان الدىڭعى جىلدارداعى پارنيكتىك گازدار شىعارىندىلارىن تۇگەندەۋ تۋرالى ەسەبى نەگىزىندە جىل سايىنعى وتەلگەن كۆوتا بىرلىكتەرىنەن باسقا, ولار سايكەسىنشە ورنالاستىرىلعان ۇلتتىق جوسپاردىڭ قولدانىلۋ كەزەڭىنىڭ سوڭعى ەسەپتىك جىلى بويىنشا ەسەپتىلىكتى ۇسىنۋ كۇنى اياقتالعاننان كەيىن توقسان جۇمىس كۇنىمەن شەكتەلەدى. كۆوتالار بىرلىكتەرىنىڭ قولدانىلۋ مەرزىمى, ءتيىستى ۇلتتىق جوسپاردىڭ بۇدان الدىڭعى جىلدارداعى پارنيكتىك گازدار شىعارىندىلارىن تۇگەندەۋ تۋرالى ەسەبى نەگىزىندە جىل سايىنعى وتەلگەن كۆوتا بىرلىكتەرىنەن باسقا, اينالىم شەكتەلگەن كۇننەن كەيىنگى ون ءۇش جۇمىس كۇنىمەن شەكتەلەدى.»; 13, 14 جانە 15-تارماقتار مىناداي رەداكتسيادا جازىلسىن: «13. كۆوتالار بىرلىكتەرىمەن جانە شىعارىندىلاردى ىشكى ازايتۋ بىرلىكتەرىمەن ساۋدا جاساۋ ەلەكتروندىق ساۋدا جۇيەسى ارقىلى جۇزەگە اسىرىلۋى مۇمكىن. كۆوتالار بىرلىكتەرىنىڭ قايتالاما اينالىمى جانە شىعارىندىلاردى ىشكى ازايتۋ بىرلىكتەرىنىڭ قايتالاما اينالىمى قازاقستان رەسپۋبليكاسىنىڭ تاۋار بيرجالارى تۋرالى زاڭناماسىنا سايكەس ءتيىستى ليتسەنزياسى بار ۇيىمداستىرىلعان تاۋار الاڭدارىندا (بيرجالارىندا) جۇرگىزىلەدى. 14. كۆوتالار بىرلىكتەرىنىڭ جانە شىعارىندىلاردى ىشكى ازايتۋ بىرلىكتەرىنىڭ ساۋداسى تاۋار بيرجالارى تۋرالى زاڭناماعا سايكەس تاۋار بيرجالارىندا ۇيىمداستىرىلادى. كۆوتالاردىڭ باستاپقى ساۋداسى جاعدايىندا ساتۋ ستاندارتتى اۋكتسيون (بۇدان ءارى - اۋكتسيون) رەجيمىندە, ال كۆوتا بىرلىكتەرىنىڭ قايتالاما اينالىمى جاعدايىندا – قوسارلانعان قارسى اۋكتسيون رەجيمىندە تاۋار بيرجالارى تۋرالى زاڭناماعا سايكەس تاۋار بيرجالارىندا ۇيىمداستىرىلادى. كۆوتا بىرلىكتەرىن جانە ىشكى ازايتۋ بىرلىكتەرىن ساتۋ جانە ساتىپ الۋدى قازاقستان رەسپۋبليكاسى ەكولوگيالىق كودەكسىنىڭ 94-7-بابىنىڭ 2-تارماعىندا كورسەتىلگەن جەكە جانە زاڭدى تۇلعالار جۇزەگە اسىرادى.»; 15. كۆوتالاردى باستاپقى ساتۋعا, كۆوتا بىرلىكتەرىنىڭ جانە شىعارىندىلاردى ىشكى ازايتۋ بىرلىكتەرىنىڭ قايتالاما اينالىمىنداعى ساۋداعا قىزمەت كورسەتۋ جانە تۋىندى قارجى قۇرالدارى بويىنشا كليرينگ پەن ەسەپتەردى قامتاماسىز ەتۋ ءۇشىن تاۋار بيرجاسى قازاقستان رەسپۋبليكاسىنىڭ كومىرتەگى بىرلىكتەرىنىڭ مەملەكەتتىك ءتىزىلىمىنىڭ وپەراتورىمەن ءوزارا ءىس-قيمىل جانە كليرينگ پەن ەسەپ-قيساپ پروتسەسىندەگى ەلەكتروندى قۇجات اينالىمىن جۇزەگە اسىرۋ رەگلامەنتى تۋرالى شارت جاساسادى.». 17-تارماق الىپ تاستالىنسىن; 19 جانە 20-تارماقتار الىپ تاستالىنسىن; 21 جانە 22-تارماقتار مىناداي رەداكتسيادا جازىلسىن: «21. كۆوتالاردىڭ باستاپقى ساتىلۋى ۆەدومستۆولىق باعىنىستى ۇيىمىمەن قازاقستان رەسپۋبليكاسى ەكولوگيالىق كودەكسىنىڭ 94-5-بابىنا سايكەس ۇيىمداستىرىلادى. 22. كۆوتالار بىرلىكتەرىن باستاپقى ساتۋ كۆوتالار بىرلىكتەرى بويىنشا جۇرگىزىلەدى. ەگەر كۆوتالاردى ساتۋ ۇلتتىق جوسپارمەن ءتيىستى مەرزىمگە قاراستىرىلماسا, ۇلتتىق جوسپارعا ەنگىزىلگەن رەتتەلەتىن قوندىرعىلاردىڭ وپەراتورلارى اراسىندا كۆوتالاردى ءبولۋ اقىسىز نەگىزدە جۇزەگە اسىرىلادى.»; 24-تارماق مىناداي رەداكتسيادا جازىلسىن: «24. ۆەدومستۆولىق باعىنىستى ۇيىم تاۋار بيرجالارىندا كۆوتالاردى ساتۋ بويىنشا اۋكتسيونداردى ۇيىمداستىرۋ مەن وتكىزۋ قاجەتتىلىگىن باعالايدى.»; 25-تارماق الىپ تاستالىنسىن; 27 جانە 28-تارماقتار مىناداي رەداكتسيادا جازىلسىن: «27. ءبىرىنشى اۋكتسيوننان ساتۋعا جاتاتىن كۆوتالار كولەمى ۇلتتىق جوسپاردىڭ كۆوتا كولەمى رەزەرۆىنىڭ كۆوتالاردى ساتۋ قوسالقى شوتىنان اۋكتسيون شارتتارىندا وتىز پايىزدان اسىرا المايدى. 28. كۆوتالاردى ساتۋ بويىنشا اۋكتسيونداردى وتكىزۋگە قازاقستان رەسپۋبليكاسى ۇلتتىق ەكونوميكا ءمينيسترىنىڭ م.ا. 2015 جىلعى 30 ناۋرىزداعى № 280 بۇيرىعىمەن بەكىتىلگەن بيرجا ساۋداسىنىڭ ۇلگى قاعيدالارىنا (نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە № 10993 تىركەلگەن) (بۇدان ءارى – ۇلگى ەرەجەسى) سايكەس قورشاعان ورتانى قورعاۋ سالاسىنداعى ۋاكىلەتتى ورگاننىڭ ۆەدومستۆولىق باعىنىستى ۇيىمى باستاماشىلىق ەتەدى. 32-تارماق الىپ تاستالىنسىن; 37, 38, 39, 40, 41, 42, 43 جانە 44-تارماقتار الىپ تاستالىنسىن; 44-3-تارماق مىناداي رەداكتسيادا جازىلسىن: «44-3. جوق بولعان جاعدايدا, تاۋار بيرجاسىندا كۆوتا بىرلىكتەرىنىڭ قايتالاما اينالىمىندا ولارعا بيرجالىق باعا بەلگىلەۋ ساۋداسىن جۇرگىزۋ كۇنى كۆوتا بىرلىگى ءۇشىن باعا حالىقارالىق تاۋەلسىز اقپارات جەتكىزۋشىسىنىڭ كۆوتا بىرلىكتەرىنە باعانى بيرجالىق باعا بەلگىلەۋ ەسەبىمەن انىقتالادى.»; 48-تارماق مىناداي رەداكتسيادا جازىلسىن: «48. جوبا وپەراتورى شىعارىندىلاردىڭ ىشكى ازايتۋ بىرلىكتەرىن قازاقستان رەسپۋبليكاسى كومىرتەگى بىرلىكتەرىنىڭ مەملەكەتتىك ءتىزىلىمىنىڭ وپەراتورىنا بەرۋگە ءوتىنىشتى تەك ءتيىستى جوبانى ىسكە اسىرۋ تۋرالى ەسەپتى ۆاليداتسيا جانە ۆەريفيكاتسيا جونىندەگى اككرەديتتەلگەن ورگان ۆەريفيكاتسيالاعاننان كەيىن جانە قورشاعان ورتانى قورعاۋ سالاسىنداعى ۋاكىلەتتى ورگان بەكىتكەننەن كەيىن عانا بەرەدى.»; مىناداي مازمۇنداعى 6-بولىممەن تولىقتىرىلسىن: «6-تاراۋ. كۆوتالاردى تىكەلەي ساتۋ (ساتىپ الۋ) ارقىلى ساتۋ 52. قازاقستان رەسپۋبليكاسى ەكولوگيالىق كودەكسىنىڭ 94-7-بابىنىڭ 3-تارماعىنا سايكەس قوندىرعى وپەراتورى كۆوتالاردى مامىلە جاسالعان كۇنگى كۆوتانىڭ بيرجالىق بەلگىلەنىم دەڭگەيىنەن تومەن ەمەس باعامەن ساتىپ الۋ-ساتۋ شارتى بويىنشا تىكەلەي ساتۋ (ساتىپ الۋ) ارقىلى وتكىزەدى. 53. قازاقستان رەسپۋبليكاسى ەكولوگيالىق كودەكسىنىڭ 94-7-بابىنىڭ 3-تارماعىنا سايكەس, قوندىرعى وپەراتورلارى (ساتۋشى جانە ساتىپ الۋشى) كۆوتالاردى تىكەلەي ساتۋ-ساتىپ الۋدى جۇرگىزۋدىڭ قورىتىندىسى بويىنشا مالىمەتتەردى مامىلە جاسالعان كۇننەن باستاپ بەس جۇمىس كۇنى ىشىندە قورشاعان ورتانى قورعاۋ سالاسىنداعى ۋاكىلەتتى ورگانعا ۇسىنادى. كۆوتالاردى تىكەلەي ساتۋ-ساتىپ الۋدى جۇرگىزۋ قورىتىندىلارى بويىنشا مالىمەتتەر قوندىرعى وپەراتورلارى (ساتۋشى مەن ساتىپ الۋشى), ساتىلعان/ساتىپ الىنعان كۆوتا بىرلىكتەرىنىڭ كولەمى, باعاسى تۋرالى اقپاراتتان تۇرادى. قورشاعان ورتانى قورعاۋ سالاسىنداعى ۋاكىلەتتى ورگان كۆوتالاردى تىكەلەي ساتۋ-ساتىپ الۋ قورىتىندىلارى بويىنشا مالىمەتتەر العان كۇننەن باستاپ بەس جۇمىس كۇنى ىشىندە كومىرتەگى بىرلىكتەرىنىڭ مەملەكەتتىك ءتىزىلىمىنىڭ وپەراتورىنا قازاقستان رەسپۋبليكاسى كومىرتەگى بىرلىكتەرىنىڭ مەملەكەتتىك تىزىلىمىندە بەس جۇمىس كۇنى ىشىندە ءتيىستى ترانساكتسيالاردىڭ وتكىزىلۋى تۋرالى حابارلايدى.». 2. قازاقستان رەسپۋبليكاسى ەنەرگەتيكا مينيسترلىگىنىڭ كليماتتىڭ وزگەرۋى جونىندەگى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن ون كۇنتىزبەلىك كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە وسى تارماقتىڭ 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق 2018 جىلدىڭ 1 قاڭتارىنان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى _____________ ق. بيشىمباەۆ 2016 جىلعى «__» __________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 17 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14116 بولىپ ەنگىزىلدى.